ਜਦੋਂ ਇਹ
ਤੁਹਾਡੇ ਨਾਲ ਵਾਪਰੇ ਤਾਂ
ਜਾਣੋ ਕਿ ਕੀ ਕਰਨਾ ਹੈ।
ਘਰ ਵਿੱਚ ਡਾਕਟਰੀ ਉਪਕਰਨਾਂ ਦੀ ਵਰਤੋਂ ਕਰਨ ਵਾਲੇ ਹਰੇਕ ਵਿਅਕਤੀ ਨੂੰ ਬਿਜਲੀ ਬੰਦ ਹੋਣ ਲਈ ਤਿਆਰ ਹੋਣਾ ਚਾਹੀਦਾ ਹੈ।
ਇਸ ਬਾਰੇ
ਜੇਕਰ ਤੁਸੀਂ ਘਰ ਵਿੱਚ ਮੈਡੀਕਲ ਉਪਕਰਨ ਵਰਤ ਰਹੇ ਹੋ, ਤਾਂ ਬਿਜਲੀ ਬੰਦ ਹੋਣਾ ਜੀਵਨ ਲਈ ਖ਼ਤਰਨਾਕ ਹੋ ਸਕਦਾ ਹੈ। ਵਧੇਰੇ ਵਾਰ-ਵਾਰ ਭਿਆਨਕ ਮੌਸਮ ਦੀਆਂ ਘਟਨਾਵਾਂ ਹੋਣ ਦੇ ਨਾਲ, ਬਿਜਲੀ ਲੰਬੇ ਸਮੇਂ ਤੱਕ ਬੰਦ ਹੋ ਸਕਦੀ ਹੈ।
ਮੈਡੀਕਲ ਉਪਕਰਨਾਂ ਵਾਲੇ ਸਿਰਫ਼ 7% ਲੋਕਾਂ ਕੋਲ ਹੀ ਬੈਕਅੱਪ ਪਾਵਰ ਹੈ, ਅਤੇ ਬਹੁਤ ਸਾਰੇ ਲੋਕ ਗਲਤਫ਼ਹਿਮੀ ਵਿੱਚ ਰਹਿੰਦੇ ਹਨ ਕਿ ਉਹਨਾਂ ਦੀ ਬਿਜਲੀ ਜਲਦੀ ਬਹਾਲ ਹੋ ਜਾਵੇਗੀ। ਭਾਵੇਂ ਤੁਸੀਂ ਆਪਣੀ ਬਿਜਲੀ ਕੰਪਨੀ ਨਾਲ ਲਾਈਫ਼ ਸਪੋਰਟ ਗਾਹਕ ਵਜੋਂ ਰਜਿਸਟਰ ਹੋ, ਫਿਰ ਵੀ ਤੁਹਾਡੇ ਕੋਲ ਬਿਜਲੀ ਬੰਦ ਹੋਣ ਦੀ ਯੋਜਨਾ ਹੋਣੀ ਚਾਹੀਦੀ ਹੈ।
ਇੱਕ ਯੋਜਨਾ ਹੋਣ ਦਾ ਅਰਥ ਹੈ ਕਿ ਜੇਕਰ ਬਿਜਲੀ ਚਲੀ ਜਾਂਦੀ ਹੈ, ਤਾਂ ਤੁਸੀਂ ਤਿਆਰ ਹੋ, ਜਦ ਤੱਕ ਤੁਹਾਡਾ ਬਿਜਲੀ ਪ੍ਰਦਾਤਾ ਬਿਜਲੀ ਮੁੜ ਚਾਲੂ ਕਰਨ ਲਈ ਕੰਮ ਕਰ ਰਿਹਾ ਹੁੰਦਾ ਹੈ। ਐਮਰਜੈਂਸੀ ਵਿੱਚ ਹਮੇਸ਼ਾ 000 ‘ਤੇ ਫ਼ੋਨ ਕਰੋ।
ਅਸੀਂ ਤੁਹਾਨੂੰ ਇਹ ਕਰਨ ਦੀ ਅਪੀਲ ਕਰ ਰਹੇ ਹਾਂ:
ਜਾਂਚ ਕਰੋ
ਪਾਵਰ ਆਊਟੇਜ ਚੈੱਕਲਿਸਟ’ ਨੂੰ ਪੂਰਾ ਕਰੋ — ਇਹ ਤੁਹਾਡੀ ਯੋਜਨਾ ਬਣਾਉਣ ਦਾ ਪਹਿਲਾ ਕਦਮ ਹੈ।
ਚੈੱਕਲਿਸਟ ਭਾਗ ਦੇਖੋ
ਯੋਜਨਾ ਬਣਾਓ
ਆਪਣੇ ਮਦਦਗਾਰ ਵਿਅਕਤੀਆਂ ਨਾਲ ਮਿਲ ਕੇ ਆਪਣੀ ‘ਪਾਵਰ ਆਊਟੇਜ ਯੋਜਨਾ’ ਪੂਰੀ ਕਰੋ। ਇਸ ਯੋਜਨਾ ਨੂੰ ਉਹਨਾਂ ਲੋਕਾਂ ਨਾਲ ਸਾਂਝਾ ਕਰੋ ਜਿਨ੍ਹਾਂ ‘ਤੇ ਤੁਸੀਂ ਆਪਣੇ ਭਾਈਚਾਰੇ ਵਿੱਚ ਸਹਾਇਤਾ ਲਈ ਭਰੋਸਾ ਕਰਦੇ ਹੋ।
ਯੋਜਨਾ ਭਾਗ ਵੇਖੋ
ਕਾਰਵਾਈ ਕਰੋ
ਤਾਂ ਜੋ ਜਦੋਂ ਬਿਜਲੀ ਚਲੀ ਜਾਵੇ, ਤਾਂ ਸਭ ਨੂੰ ਪਤਾ ਹੋਵੇ ਕਿ ਕੀ ਕਰਨਾ ਹੈ।
ਮੇਰੀ ਪਾਵਰ ਆਊਟੇਜ ਚੈੱਕਲਿਸਟ
ਇਥੋਂ ਸੋਚਣ ਦੀ ਸ਼ੁਰੂਆਤ ਕਰੋ
ਇਹ ਚੈੱਕਲਿਸਟ ਬਿਜਲੀ ਬੰਦ ਹੋਣ ਦੀ ਯੋਜਨਾ ਬਣਾਉਣ ਲਈ ਪਹਿਲਾ ਕਦਮ ਹੈ। ਤੁਹਾਨੂੰ ਕੁੱਝ ਵੀ ਲਿਖਣ ਦੀ ਲੋੜ ਨਹੀਂ — ਇਹ ਸਿਰਫ਼ ਇੱਕ ਸੂਚੀ ਹੈ ਜੋ ਤੁਹਾਨੂੰ ਇਹ ਸੋਚਣ ਵਿੱਚ ਮੱਦਦ ਕਰੇਗੀ ਕਿ ਕੀ ਕਰਨਾ ਚਾਹੀਦਾ ਹੈ। ਇਹ ਬਾਅਦ ਵਿੱਚ ਵਧੇਰੇ ਵਿਸਥਾਰ-ਪੂਰਵਕ ਪਾਵਰ ਆਊਟੇਜ ਯੋਜਨਾ ਬਣਾਉਣ ਵਿੱਚ ਤੁਹਾਡੀ ਮੱਦਦ ਕਰੇਗੀ। ਯਾਦ ਰੱਖੋ, ਕਿਸੇ ਵੀ ਸਿਹਤ ਸੰਬੰਧੀ ਸਵਾਲ ਲਈ ਹਮੇਸ਼ਾ ਆਪਣੇ ਡਾਕਟਰ ਜਾਂ ਸਿਹਤ ਸੰਭਾਲ ਪੇਸ਼ੇਵਰ ਨਾਲ ਸਲਾਹ ਕਰੋ।
ਇਹ ਚੈੱਕਲਿਸਟ ਸੋਚਣ ਲਈ ਛੇ ਮੁੱਖ ਖੇਤਰਾਂ ਨੂੰ ਕਵਰ ਕਰਦੀ ਹੈ:
1.
ਸਹਾਇਕ ਲੋਕ
ਉਹਨਾਂ ਲੋਕਾਂ ਨਾਲ ਗੱਲ ਕਰੋ ਜੋ ਤੁਹਾਡੀ ਮੱਦਦ ਕਰ ਸਕਦੇ ਹਨ।
ਹੋਰ ਪੜ੍ਹੋ ਘੱਟ ਪੜ੍ਹੋ
- ਆਪਣੇ ਡਾਕਟਰਾਂ, ਦੇਖਭਾਲ ਕਰਨ ਵਾਲਿਆਂ ਅਤੇ ਉਹਨਾਂ ਹੋਰ ਲੋਕਾਂ ਨਾਲ ਗੱਲ ਕਰੋ ਜੋ ਬਿਜਲੀ ਬੰਦ ਹੋਣ ਦੌਰਾਨ ਤੁਹਾਡੀ ਮੱਦਦ ਕਰ ਸਕਦੇ ਹਨ।
- ਆਪਣੀਆਂ ਲੋੜਾਂ ਬਾਰੇ ਆਪਣੇ ਪਰਿਵਾਰ, ਗੁਆਂਢੀਆਂ ਅਤੇ ਬਿਜਲੀ ਕੰਪਨੀ ਨੂੰ ਦੱਸੋ।
- ਆਪਣੀ ਬਿਜਲੀ ਕੰਪਨੀ ਕੋਲ ਲਾਈਫ਼ ਸਪੋਰਟ ਗਾਹਕ ਵਜੋਂ ਰਜਿਸਟਰ ਹੋਵੋ।
2.
ਸੁਰੱਖਿਆ ਲਈ ਜ਼ਰੂਰੀ ਚੀਜ਼ਾਂ
ਕੀ ਤੁਹਾਡੇ ਕੋਲ ਉਹ ਸਭ ਕੁੱਝ ਹੈ ਜੋ ਤੁਹਾਨੂੰ ਸੁਰੱਖਿਅਤ ਅਤੇ ਸਿਹਤਮੰਦ ਰੱਖ ਸਕੇ?
ਹੋਰ ਪੜ੍ਹੋ ਘੱਟ ਪੜ੍ਹੋ
- ਆਪਣੇ ਮੈਡੀਕਲ ਉਪਕਰਨਾਂ ਬਾਰੇ ਜਾਣੋ, ਜਿਸ ਵਿੱਚ ਇਹ ਵੀ ਸ਼ਾਮਿਲ ਹੈ ਕਿ ਉਹ ਬੈਕਅੱਪ ਪਾਵਰ 'ਤੇ ਕਿੰਨੇ ਸਮੇਂ ਤੱਕ ਚੱਲ ਸਕਦੇ ਹਨ।
- ਬੈਕਅੱਪ ਪਾਵਰ ਤਰੀਕਿਆਂ 'ਤੇ ਵਿਚਾਰ ਕਰੋ ਜਿਵੇਂ ਕਿ ਸੌਲਰ ਬੈਟਰੀਆਂ ਜਾਂ ਜਨਰੇਟਰ।
- ਪਾਲਤੂ ਜਾਨਵਰਾਂ ਸਮੇਤ ਦਵਾਈਆਂ, ਭੋਜਨ ਅਤੇ ਪਾਣੀ ਦੀ 3 ਤੋਂ 7 ਦਿਨਾਂ ਦੀ ਸਪਲਾਈ ਰੱਖੋ!
- ਆਪਣੀ ਕਾਰ ਵਿੱਚ ਈਂਧਨ ਭਰਕੇ ਰੱਖੋ ਜਾਂ ਚਾਰਜ ਰੱਖੋ, ਖ਼ਾਸ ਕਰਕੇ ਜਦੋਂ ਭਿਆਨਕ ਮੌਸਮ ਦੀ ਚੇਤਾਵਨੀ ਜਾਰੀ ਹੋਵੇ।
3.
ਸੰਚਾਰ
ਕੀ ਤੁਸੀਂ ਸੋਚਿਆ ਹੈ ਕਿ ਤੁਸੀਂ ਕਿਵੇਂ ਸੰਪਰਕ ਕਰੋਗੇ ਅਤੇ ਜਾਣਕਾਰੀ ਪ੍ਰਾਪਤ ਕਰੋਗੇ?
ਹੋਰ ਪੜ੍ਹੋ ਘੱਟ ਪੜ੍ਹੋ
- ਆਪਣੇ ਮੋਬਾਈਲ ਫ਼ੋਨ ਨੂੰ ਚਾਰਜ ਰੱਖੋ ਅਤੇ ਬੈਕ-ਅੱਪ ਪਾਵਰ ਸਰੋਤ ਰੱਖੋ।
- ਮਹੱਤਵਪੂਰਨ ਨੰਬਰਾਂ (ਜਿਵੇਂ ਕਿ ਗੁਆਂਢੀ, ਪਰਿਵਾਰ) ਨੂੰ ਆਪਣੇ ਫ਼ੋਨ ਵਿੱਚ ਸੇਵ ਕਰ ਲਵੋ।
- ਜੇਕਰ ਇੰਟਰਨੈੱਟ ਅਤੇ ਫ਼ੋਨ ਲਾਈਨਾਂ ਬੰਦ ਹੋ ਜਾਣ, ਤਾਂ ਤੁਹਾਨੂੰ ਬੈਟਰੀ ਨਾਲ ਚੱਲਣ ਵਾਲੇ, ਜਾਂ ਹੈਂਡ-ਕ੍ਰੈਂਕ ਰੇਡੀਓ ਦੀ ਲੋੜ ਪੈ ਸਕਦੀ ਹੈ ਤਾਂ ਜੋ ਤੁਸੀਂ ਮੌਸਮ ਦੇ ਹਾਲਾਤਾਂ ਅਤੇ ਐਮਰਜੈਂਸੀ ਜਾਣਕਾਰੀ ਦੇ ਨਾਲ ਅੱਪਡੇਟ ਰਹਿ ਸਕੋ।
- ਆਪਣੇ ਸਥਾਨਕ ਭਾਈਚਾਰੇ ਅਤੇ ਵਿਆਪਕ ਨੈੱਟਵਰਕ ਦੇ ਲੋਕਾਂ ਨਾਲ ਗੱਲ ਕਰੋ ਕਿ ਬਿਜਲੀ ਬੰਦ ਹੋਣ ਦੌਰਾਨ ਕਿਵੇਂ ਸੰਪਰਕ ਵਿੱਚ ਰਹਿਣਾ ਹੈ।
4.
ਰੌਸ਼ਨੀ
ਕੀ ਤੁਸੀਂ ਇਸ ਬਾਰੇ ਸੋਚਿਆ ਹੈ ਕਿ ਤੁਸੀਂ ਹਨੇਰੇ ਵਿੱਚ ਕਿਵੇਂ ਦੇਖੋਗੇ?
ਹੋਰ ਪੜ੍ਹੋ ਘੱਟ ਪੜ੍ਹੋ
-
ਟਾਰਚ ਜਾਂ ਬੈਟਰੀ ਨਾਲ ਚੱਲਣ ਵਾਲੀਆਂ ਲਾਈਟਾਂ ਅਤੇ ਵਾਧੂ ਬੈਟਰੀਆਂ ਰੱਖੋ।
ਚੰਗਾ ਸੁਝਾਅ! ਯਾਦ ਰੱਖੋ ਕਿ ਮੋਮਬੱਤੀਆਂ ਅੱਗ ਲੱਗਣ ਦਾ ਖ਼ਤਰਾ ਬਣ ਸਕਦੀਆਂ ਹਨ। - ਲਾਈਟਾਂ ਨੂੰ ਆਸਾਨੀ ਨਾਲ ਲੱਭਣ ਵਾਲੀ ਥਾਂ 'ਤੇ ਰੱਖੋ।
5.
ਸੁੱਖ-ਆਰਾਮ
ਤੁਸੀਂ ਆਰਾਮਦਾਇਕ ਕਿਵੇਂ ਰਹੋਗੇ?
ਹੋਰ ਪੜ੍ਹੋ ਘੱਟ ਪੜ੍ਹੋ s
- ਇਹ ਵੀ ਵਿਚਾਰ ਕਰੋ ਕਿ ਤੁਸੀਂ ਬਿਜਲੀ ਨਾ ਹੋਣ ਦੀ ਸਥਿਤੀ ਵਿੱਚ ਨਿੱਘੇ ਜਾਂ ਠੰਡੇ ਕਿਵੇਂ ਰਹੋਗੇ (ਉਦਾਹਰਨ ਵਜੋਂ: ਬਲਾਈਂਡ ਥੱਲੇ ਰੱਖ ਕੇ)।
- ਵਾਧੂ ਕੰਬਲ ਅਤੇ ਗਰਮ ਕੱਪੜੇ ਆਸਾਨੀ ਨਾਲ ਪਹੁੰਚ ਵਾਲੀ ਥਾਂ 'ਤੇ ਰੱਖੋ।
- ਜਦੋਂ ਬਿਜਲੀ ਚਲੀ ਜਾਵੇ ਤਾਂ ਭੋਜਨ ਬਣਾਉਣ ਦੇ ਵੱਖ-ਵੱਖ ਤਰੀਕਿਆਂ ਬਾਰੇ ਸੋਚੋ (ਜਿਵੇਂ ਕਿ ਕੈਂਪ ਸਟੋਵ 'ਤੇ)।
- ਇਸ ਗੱਲ ਬਾਰੇ ਵੀ ਸੋਚੋ ਕਿ ਜੇਕਰ ਤੁਹਾਨੂੰ ਆਪਣਾ ਘਰ ਛੱਡ ਕੇ ਕਿਤੇ ਹੋਰ ਰਹਿਣਾ ਪਏ ਤਾਂ ਤੁਹਾਨੂੰ ਕੀ ਚਾਹੀਦਾ ਹੋਵੇਗਾ (ਜਿਵੇਂ ਕਿ ਦਵਾਈਆਂ, ਵਾਧੂ ਬੈਟਰੀਆਂ)।
6.
ਆਸ-ਪਾਸ ਦਾ ਮਾਹੌਲ
ਤੁਸੀਂ ਆਪਣੇ ਆਲੇ-ਦੁਆਲੇ ਦੇ ਮਾਹੌਲ ਨੂੰ ਕਿਵੇਂ ਸੁਰੱਖਿਅਤ ਰੱਖੋਗੇ?
(ਤੁਹਾਡਾ ਘਰ, ਜਾਇਦਾਦ, ਸੜਕਾਂ ਆਦਿ।)
ਹੋਰ ਪੜ੍ਹੋ ਘੱਟ ਪੜ੍ਹੋ
- ਆਪਣੀ ਜਾਇਦਾਦ ਵਿੱਚ ਦਾਖ਼ਲ ਹੋਣ ਜਾਂ ਬਾਹਰ ਨਿੱਕਲਣ ਲਈ ਮੈਨੂਅਲ ਓਵਰਰਾਈਡ ਤਰੀਕਿਆਂ ਨੂੰ ਜਾਣੋ (ਜਿਵੇਂ ਕਿ ਗੈਰੇਜ ਦੇ ਦਰਵਾਜ਼ੇ ਜਾਂ ਜਾਇਦਾਦ ਦੇ ਗੇਟ 'ਤੇ ਦਰਵਾਜ਼ੇ)।
- ਆਵਾਜਾਈ ਸਮੇਤ ਘਰ ਖ਼ਾਲੀ ਕਰਨ ਬਾਰੇ ਸੋਚੋ।
-
ਇਸ ਬਾਰੇ ਸੋਚੋ ਕਿ ਤੁਸੀਂ ਆਪਣੀ ਫਰਿੱਜ਼ ਅਤੇ ਫ੍ਰੀਜ਼ਰ ਵਿੱਚ ਮੌਜੂਦ ਕਿਸੇ ਵੀ ਭੋਜਨ ਨੂੰ ਕਿਵੇਂ ਸੁਰੱਖਿਅਤ ਰੱਖੋਗੇ।
ਸੁਝਾਵਾਂ ਲਈ ਇੱਥੇ ਜਾਉ।
ਮੇਰੀ ਪਾਵਰ ਆਊਟੇਜ ਯੋਜਨਾ
ਹਰ ਕੋਈ ਚਾਹੁੰਦਾ ਹੈ ਕਿ ਤੁਹਾਨੂੰ ਪਤਾ ਹੋਵੇ ਕਿ ਬਿਜਲੀ ਗ਼ੁੱਲ ਹੋਣ ਦੀ ਸਥਿਤੀ ਵਿੱਚ ਕੀ ਕਰਨਾ ਹੈ।
ਕਿਉਂਕਿ ਅੱਜ ਸਹੀ ਗੱਲਬਾਤ ਕਰਨਾ — ਕੱਲ੍ਹ ਤੁਹਾਡੀ ਜ਼ਿੰਦਗੀ ਬਚਾ ਸਕਦਾ ਹੈ।
1. ਡਾਊਨਲੋਡ
PDF ਫ਼ਾਈਲ ਡਾਊਨਲੋਡ ਕਰੋ ਤਾਂ ਜੋ ਤੁਸੀਂ ਇਹ ਆਪਣੇ ਕੰਪਿਊਟਰ 'ਤੇ ਭਰ ਸਕੋ ਜਾਂ ਪ੍ਰਿੰਟ ਕਰਕੇ ਹੱਥ ਨਾਲ ਭਰ ਸਕੋ।
2. ਆਪਣੀ ਯੋਜਨਾ ਬਣਾਓ
ਕੰਪਿਊਟਰ 'ਤੇ
ਜਦੋਂ ਤੁਸੀਂ ਆਪਣੀ ਯੋਜਨਾ ਕੰਪਿਊਟਰ 'ਤੇ ਭਰ ਲਵੋ, ਤਾਂ ਫ਼ਾਈਲ ਨੂੰ ਸੇਵ ਕਰਨਾ ਨਾ ਭੁੱਲੋ ਅਤੇ ਉਹਨਾਂ ਵਿਅਕਤੀਆਂ ਨੂੰ ਈਮੇਲ ਕਰ ਦਿਓ ਜੋ ਤੁਹਾਡੀ ਮਦਦ ਕਰ ਸਕਦੇ ਹਨ।
ਹਰ ਕੋਈ ਚਾਹੁੰਦਾ ਹੈ ਕਿ
PDF ਨੂੰ ਪ੍ਰਿੰਟ ਕਰੋ ਅਤੇ ਆਪਣੀ ਯੋਜਨਾ ਭਰੋ, ਤੇ ਜਦੋਂ ਇਹ ਪੂਰੀ ਹੋ ਜਾਵੇ, ਤਾਂ ਇਸਨੂੰ ਕਿਸੇ ਅਜਿਹੀ ਥਾਂ ਰੱਖੋ ਜੋ ਆਸਾਨੀ ਨਾਲ ਮਿਲ ਜਾਵੇ।
3. ਈ-ਮੇਲ
ਤੁਸੀਂ ਖ਼ਾਲੀ ਯੋਜਨਾ ਕਿਸੇ ਹੋਰ ਵਿਅਕਤੀ ਨੂੰ ਵੀ ਈ-ਮੇਲ ਕਰ ਸਕਦੇ ਹੋ ਤਾਂ ਜੋ ਉਹ ਆਪਣੀ ਯੋਜਨਾ ਭਰ ਸਕਣ।
ਇਹ ਜਾਂਚ ਕਰੋ ਕਿ ਕੀ ਤੁਸੀਂ ਊਰਜਾ ਰਿਆਇਤਾਂ ਜਾਂ ਹੋਰ ਭੁਗਤਾਨਾਂ ਦੇ ਹੱਕਦਾਰ ਹੋ
ਆਸਟ੍ਰੇਲੀਆਈ ਸਰਕਾਰ ਅਤੇ ਕਈ ਰਾਜ ਸਰਕਾਰਾਂ ਵੱਲੋਂ ਉਹਨਾਂ ਲੋਕਾਂ ਲਈ ਸਹਾਇਤਾ ਦਿੱਤੀ ਜਾਂਦੀ ਹੈ ਜੋ ਮੈਡੀਕਲ ਉਪਕਰਨ ਜਾਂ ਵਿਸ਼ੇਸ਼ ਸਿਹਤ ਸੰਬੰਧੀ ਲੋੜਾਂ ਵਾਲੇ ਹਨ। ਵਧੇਰੇ ਜਾਣਕਾਰੀ ਲਈ www.energy.gov.au/rebates ‘ਤੇ ਜਾਓ
ਕਹਾਣੀਆਂ
ਹੋਰ ਲੋਕ ਕੀ ਕਹਿ ਰਹੇ ਹਨ
ਆਪ ਬੀਤੇ ਅਨੁਭਵ ਵਾਲੇ ਲੋਕਾਂ ਅਤੇ ਉਹਨਾਂ ਦੀਆਂ ਦੇਖਭਾਲ ਕਰਨ ਵਾਲੀਆਂ ਟੀਮਾਂ ਦੀਆਂ ਕਹਾਣੀਆਂ ਸੁਣੋ, ਜੋ ਮਿਲ ਕੇ ਨਿੱਜੀ ਲੋੜਾਂ ਅਨੁਸਾਰ ਪਾਵਰ ਆਊਟੇਜ ਯੋਜਨਾਵਾਂ ਤਿਆਰ ਕਰਦੇ ਹਨ।
“ਮਸਕੂਲਰ ਡਿਸਟ੍ਰੋਫੀ ਨਾਲ ਜੀਵਨ ਬਤੀਤ ਕਰਦੇ ਹੋਏ, ਮੈਂ ਮੈਨੂੰ ਸੁਰੱਖਿਅਤ ਰੱਖਣ ਲਈ ਸ਼ਕਤੀ ‘ਤੇ ਬਹੁਤ ਨਿਰਭਰ ਹਾਂ।
ਮੈਂ ਪਾਵਰ ਵ੍ਹੀਲਚੇਅਰ, ਇਲੈਕਟ੍ਰਾਨਿਕ ਬੈੱਡ, ਹੋਇਸਟ, ਅੱਗੇ ਦਾ ਦਰਵਾਜ਼ਾ ਅਤੇ ਸਾਹ ਲੈਣ ਵਿੱਚ ਮੱਦਦ ਕਰਨ ਵਾਲੀ BiPAP ਮਸ਼ੀਨ ਦੀ ਵਰਤੋਂ ਕਰਦੀ ਹਾਂ। ਬਿਜਲੀ ਗ਼ੁੱਲ ਹੋਣ ‘ਤੇ ਕੀ ਕਰਨਾ ਹੈ, ਇਹ ਬਾਰੇ ਜਾਣਕਾਰੀ ਹੋਣਾ ਮੇਰੀ ਜ਼ਿੰਦਗੀ ਬਚਾ ਸਕਦਾ ਹੈ। ਮੈਂ ਆਪਣੇ ਮਦਦਗਾਰ ਲੋਕਾਂ ਨਾਲ ਮਿਲ ਕੇ ਮੇਰੀ ਪਾਵਰ ਆਊਟੇਜ ਯੋਜਨਾ ਬਣਾਉਣ ‘ਤੇ ਤੁਰੰਤ ਕੰਮ ਕਰਾਂਗੀ।”
ਕੈਰੋਲਿਨ
“ਮੈਂ ਸੇਰੇਬ੍ਰਲ ਪਾਲਸੀ ਨਾਲ ਜੀਵਨ ਬਤੀਤ ਕਰ ਰਿਹਾ ਹਾਂ ਅਤੇ ਕੁੱਝ ਸਾਲ ਪਹਿਲਾਂ ਮੈਨੂੰ ਪੰਜ ਦਿਨ ਬਿਜਲੀ ਤੋਂ ਬਿਨਾਂ ਰਹਿਣਾ ਪਿਆ।
ਜਦੋਂ ਮੈਂ ਮੇਰੇ ਮੈਡੀਕਲ ਉਪਕਰਨਾਂ ਨੂੰ ਬਿਜਲੀ ਨਾ ਮਿਲਣ ਕਰਕੇ ਬਹੁਤ ਜ਼ਿਆਦਾ ਦਰਦ ਵਿੱਚ ਸੀ, ਤਦ ਮੈਨੂੰ ਅਹਿਸਾਸ ਹੋਇਆ ਕਿ ਹੋਰ ਲੋਕ ਤਾਂ ਹਰ ਸਾਹ ਲਈ ਇਸ ਉਪਕਰਨ ‘ਤੇ ਨਿਰਭਰ ਹੋਣਗੇ। ਇਸ ਅਨੁਭਵ ਨੇ ਮੈਨੂੰ ਇਹ ਸਿਖਾਇਆ ਕਿ ਮੈਡੀਕਲ ਤੌਰ ‘ਤੇ ਜਾਣੂ ਪਾਵਰ ਆਊਟੇਜ ਯੋਜਨਾ ਦਾ ਹੋਣਾ ਕਿੰਨਾ ਜ਼ਰੂਰੀ ਹੈ। ਤਿਆਰ ਰਹਿਣਾ ਅਤੇ ਇਹ ਜਾਣਣਾ ਕਿ ਕੀ ਕਰਨਾ ਹੈ—ਸੱਚਮੁੱਚ ਤੁਹਾਡੀ ਜ਼ਿੰਦਗੀ ਬਚਾ ਸਕਦਾ ਹੈ।”
ਐਡਮ
“ਮੈਂ ਆਪਣੀ ਪਤਨੀ ਦੀ ਦੇਖਭਾਲ ਕਰਦਾ ਹਾਂ, ਜਿਸ ਦੀ ਸਿਹਤ ਇਸ ਗੱਲ ‘ਤੇ ਨਿਰਭਰ ਕਰਦੀ ਹੈ ਕਿ ਉਸਨੂੰ ਸੁਰੱਖਿਅਤ ਅਤੇ ਸਿਹਤਮੰਦ ਰਹਿਣ ਲਈ ਬਿਜਲੀ ਮਿਲਦੀ ਰਹੇ।
ਮੈਂ ਇਸ ਗੱਲ ‘ਤੇ ਇਸ ਤੋਂ ਵੱਧ ਜ਼ੋਰ ਨਹੀਂ ਦੇ ਸਕਦਾ ਕਿ ਇਹ ਜਾਣਨਾ ਕਿੰਨਾ ਅਹਿਮ ਹੈ ਕਿ ਬਿਜਲੀ ਬੰਦ ਹੋਣ ‘ਤੇ ਕੀ ਕਰਨਾ ਹੈ ਅਤੇ ਤੁਹਾਡੇ ਆਲੇ ਦੁਆਲੇ ਦੇ ਹੋਰਾਂ ਨਾਲ ਇਸ ਬਾਰੇ ਜਾਣਕਾਰੀ ਸਾਂਝੀ ਕਰਨਾ ਕਿ ਤੁਹਾਨੂੰ ਬਿਜਲੀ ਦੀ ਗ਼ੁੱਲ ਹੋਣ ‘ਤੇ ਕੀ ਲੋੜ ਪਵੇਗੀ। ਇੱਕ ਯੋਜਨਾ ਹੋਣ ਦਾ ਮਤਲਬ ਹੈ ਤੁਸੀਂ ਇਹ ਸਭ ਕੁੱਝ ਇੱਕ ਥਾਂ ‘ਤੇ ਦਰਜ ਕਰ ਸਕਦੇ ਹੋ ਅਤੇ ਲੋਕਾਂ ਨਾਲ ਸਹੀ ਗੱਲਬਾਤ ਕਰ ਸਕਦੇ ਹੋ।”
ਪੀਟਰ
“ਮੇਰੀ ਗੁਰਦੇ ਦੀ ਬੀਮਾਰੀ ਨਾਲ ਮੇਰਾ ਜੀਵਨ ਬਤੀਤ ਕਰਨਾ ਮੁਸ਼ਕਲ ਹੈ, ਅਤੇ ਘਰ ਵਿੱਚ ਡਾਇਲਸਿਸ ਕਰਵਾਉਣਾ ਕਈ ਲੋਕਾਂ ਲਈ ਇੱਕ ਹਕੀਕਤ ਹੈ।
ਇਹ ਜਾਣਨਾ ਕਿ ਬਿਜਲੀ ਗ਼ੁੱਲ ਹੋਣ ‘ਤੇ ਕੀ ਕਰਨਾ ਹੈ ਅਤੇ ਇੱਕ ਯੋਜਨਾ ਬਣਾਉਣੀ ਬਹੁਤ ਜ਼ਿਆਦਾ ਜ਼ਰੂਰੀ ਹੈ। ਇਹ ਜਾਣਨਾ ਕਿ ਬਿਜਲੀ ਗ਼ੁੱਲ ਹੋਣ ‘ਤੇ ਕੀ ਕਰਨਾ ਹੈ ਅਤੇ ਇੱਕ ਯੋਜਨਾ ਬਣਾਉਣੀ ਬਹੁਤ ਜ਼ਿਆਦਾ ਜ਼ਰੂਰੀ ਹੈ।ਮੇਰੀ ਪਾਵਰ ਆਊਟੇਜ ਯੋਜਨਾ ਤੁਹਾਨੂੰ ਤਿਆਰ ਰਹਿਣ ਅਤੇ ਪਹਿਲਾਂ ਤੋਂ ਹੀ ਇਹ ਸੋਚਣ ਵਿੱਚ ਮੱਦਦ ਕਰਦੀ ਹੈ ਕਿ ਤੁਹਾਨੂੰ ਸੁਰੱਖਿਅਤ ਰਹਿਣ ਲਈ ਕੀ-ਕੀ ਚਾਹੀਦਾ ਹੋਵੇਗਾ। ਇਹ ਤੁਹਾਨੂੰ ਬਿਜਲੀ ਬੰਦ ਹੋਣ ਵੇਲੇ ਸ਼ਾਂਤ ਰਹਿਣ ਵਿੱਚ ਮੱਦਦ ਕਰ ਸਕਦੀ ਹੈ, ਕਿਉਂਕਿ ਤੁਹਾਨੂੰ ਪਤਾ ਹੋਵੇਗਾ ਕਿ ਕੀ ਕਰਨਾ ਹੈ।”
ਆਇਰੀਨ
“ਆਪਣੇ ਜੀਵਨ ਅਨੁਭਵ ਤੋਂ, ਮੈਂ ਇਹ ਗੱਲ ਸਮਝਦੀ ਹਾਂ ਕਿ ਘਰ ਛੱਡਣ ਤੋਂ ਪਹਿਲਾਂ ਹਰ ਤਰ੍ਹਾਂ ਦੇ ਲਾਈਫ਼ ਸਪੋਰਟ ਉਪਕਰਨਾਂ ਬਾਰੇ ਸਿੱਖਿਆ ਅਤੇ CPR ਟ੍ਰੇਨਿੰਗ ਮਿਲਣਾ ਕਿੰਨਾ ਜ਼ਰੂਰੀ ਹੈ, ਖ਼ਾਸ ਕਰਕੇ ਐਮਰਜੈਂਸੀ ਦੀ ਸਥਿਤੀ ਵਿੱਚ।
ਇੱਕ ਵਧੀਆ ਤਰੀਕੇ ਨਾਲ ਅਭਿਆਸ ਕੀਤੀ ਹੋਈ ਸੁਰੱਖਿਆ ਯੋਜਨਾ, ਜੋ ਦੇਖਭਾਲ ਕਰਨ ਵਾਲਿਆਂ, ਸਹਾਇਤਾ ਕਰਨ ਵਾਲਿਆਂ ਅਤੇ ਕਮਿਊਨਿਟੀ ਸੇਵਾ ਪ੍ਰਦਾਤਾਵਾਂ ਨਾਲ ਸਾਂਝੀ ਕੀਤੀ ਗਈ ਹੋਵੇ, ਉਹ ਅਚਾਨਕ ਬਿਜਲੀ ਬੰਦ ਹੋਣ ਵਾਲੀਆਂ ਘਟਨਾਵਾਂ ਵਿੱਚ ਬੇਹੱਦ ਮਹੱਤਵਪੂਰਨ ਹੁੰਦੀ ਹੈ। ਬੈਕਅੱਪ ਉਪਕਰਨਾਂ, ਜਿਵੇਂ ਕਿ ਜਨਰੇਟਰ ਵਰਤਣ ਦੀ ਟ੍ਰੇਨਿੰਗ ਲੈਣੀ ਬਹੁਤ ਜ਼ਰੂਰੀ ਹੈ, ਤਾਂ ਜੋ ਲੋਕਾਂ ਨੂੰ ਪੂਰੀ ਤਰ੍ਹਾਂ ਪਤਾ ਹੋਵੇ ਕਿ ਕੀ ਕਰਨਾ ਹੈ ਅਤੇ ਜਦੋਂ ਫੌਰਨ ਕਾਰਵਾਈ ਦੀ ਲੋੜ ਪਵੇ ਤਾਂ ਉਹ ਤਿਆਰ ਅਤੇ ਆਤਮ-ਵਿਸ਼ਵਾਸ ਮਹਿਸੂਸ ਕਰਨ।”
ਜੋਡੀ (ਕੋਜ਼ੈੱਟ ਦੀ ਮਾਂ)
ਵਧੇਰੇ ਜਾਣਕਾਰੀ
ਹੋਰ ਜਾਣਕਾਰੀ ਲਈ ਕਿੱਥੇ ਜਾਣਾ ਹੈ
ਬਿਜਲੀ ਬੰਦ ਹੋਣ ਦੌਰਾਨ ਹੋਰ ਜਾਣਕਾਰੀ ਲਈ, ਆਪਣੇ ਸਥਾਨਕ ਊਰਜਾ ਪ੍ਰਦਾਤਾ ਜਾਂ ਨੈੱਟਵਰਕ ਨਾਲ ਸੰਪਰਕ ਕਰੋ।
ਕੁਈਨਜ਼ਲੈਂਡ
ਨਿਊ ਸਾਊਥ ਵੇਲਜ਼
ਸਿਡਨੀ ਦੇ ਗ੍ਰੇਟਰ ਵੈਸਟ ਇਲਾਕੇ, ਬਲੂ ਮਾਊਂਟੇਨਜ਼, ਸਦਰਨ ਹਾਈਲੈਂਡਜ਼, ਇਲਾਵਾਰਾ ਅਤੇ ਸਾਊਥ ਕੋਸਟ ਦੇ ਨਿਵਾਸੀ Endeavour Energy ਨਾਲ ਸੰਪਰਕ ਕਰੋ
ਵਿਕਟੋਰੀਆ
ਦੱਖਣੀ ਉਪਨਗਰ ਅਤੇ ਮੌਰਨਿੰਗਟਨ ਪੇਨਿਨਸੂਲਾ ਦੇ ਨਿਵਾਸੀ United Energy Distribution ਨਾਲ ਸੰਪਰਕ ਕਰੋ
ਪੱਛਮੀ ਉਪਨਗਰ ਅਤੇ ਪੱਛਮੀ ਵਿਕਟੋਰੀਆ ਦੇ ਨਿਵਾਸੀ Powercor Australia ਨਾਲ www.powercor.com.au ‘ਤੇ ਸੰਪਰਕ ਕਰੋ
ਬਾਹਰੀ ਉੱਤਰੀ ਅਤੇ ਪੂਰਬੀ ਉਪਨਗਰ ਅਤੇ ਪੂਰਬੀ ਵਿਕਟੋਰੀਆ ਦੇ ਨਿਵਾਸੀ AusNet Services ਨਾਲ ਸੰਪਰਕ ਕਰੋ
ਸਾਊਥ ਆਸਟ੍ਰੇਲੀਆ
ਸਾਊਥ ਆਸਟ੍ਰੇਲੀਆ ਦੇ ਜ਼ਿਆਦਾਤਰ ਨਿਵਾਸੀਆਂ ਲਈ, SA Power Networks ਨਾਲ 24/7 ਨਾਲ ਸੰਪਰਕ ਕਰੋ
ਬਹੁਤ ਦੂਰ-ਦੁਰਾਡੇ ਰਹਿਣ ਵਾਲੇ ਭਾਈਚਾਰਿਆਂ ਦੇ ਲੋਕਾਂ ਲਈ, ਬਿਜਲੀ ਦੀ ਸਪਲਾਈ ਤੁਹਾਡੀ ਸਥਾਨਕ ਕੌਂਸਲ ਜਾਂ ਕਿਸੇ ਹੋਰ ਅਜਿਹੀ ਹੀ ਏਜੰਸੀ ਰਾਹੀਂ ਦਿੱਤੀ ਜਾ ਸਕਦੀ ਹੈ; ਜੇਕਰ ਤੁਹਾਨੂੰ ਪੱਕਾ ਪਤਾ ਨਹੀਂ ਹੈ ਤਾਂ ਆਪਣੇ ਬਿਜਲੀ ਦੇ ਬਿੱਲ ਜਾਂ ਆਪਣੇ ਸਥਾਨਕ ਭਾਈਚਾਰੇ ਵਿੱਚ ਕਿਸੇ ਵਿਅਕਤੀ ਨਾਲ ਇਸ ਬਾਰੇ ਪਤਾ ਕਰੋ।
ਤਸਮਾਨੀਆ
ਵੈਸਟਰਨ ਆਸਟ੍ਰੇਲੀਆ
ਨੋਰਥਰਨ ਟੈਰੀਟਰੀ
ਨੋਰਥਰਨ ਟੈਰੀਟਰੀ ਦੇ ਸਾਰੇ ਨਿਵਾਸੀ, Power and Water Corporation ਨਾਲ ਸੰਪਰਕ ਕਰੋ
ਹੋਰ ਜਾਣਨ ਲਈ ਆਪਣੇ ਰੇਡੀਓ ਨੂੰ ਚਲਾਓ
1. ਖੋਜੋ
ਆਪਣੀ ਸਥਾਨਕ ਰੇਡੀਓ ਫ੍ਰਿਕਵੈਂਸੀ ਜਾਣਨ ਲਈ reception.abc.net.au 'ਤੇ ਜਾਓ।
2. ਇਸ ਨੂੰ ਹੇਠਾਂ ਲਿਖੋ
ਇਸਨੂੰ ਲਿਖ ਲਵੋ, ਉਦਾਹਰਨ ਲਈ ABC Pilbara 603 AM ਅਤੇ ਇਸਨੂੰ ਆਪਣੀ ਐਮਰਜੈਂਸੀ ਸਰਵਾਈਵਲ ਕਿੱਟ ਕਿੱਟ ਵਿੱਚ ਬੈਟਰੀ ਨਾਲ ਚੱਲਣ ਵਾਲੇ ਰੇਡੀਓ ਨਾਲ ਚਿਪਕਾਓ।
3. ਆਪਣੀ ਕਾਰ ਦਾ ਰੇਡੀਓ ਚਲਾਓ
ਤੁਸੀਂ ਆਪਣੇ ਕਾਰ ਦੇ ਰੇਡੀਓ ਵਿਚ ਪਹਿਲਾਂ ਤੋਂ ਸੈੱਟ ਕੀਤੇ ਸਟੇਸ਼ਨਾਂ 'ਚੋਂ ਕਿਸੇ ਇੱਕ 'ਤੇ ਵੀ ਫ੍ਰਿਕਵੈਂਸੀ ਟਿਊਨ ਕਰ ਸਕਦੇ ਹੋ।
ਹਿਦਾਇਤਾਂ ਲਈ 'ਐਮਰਜੈਂਸੀ ਵਿੱਚ abc ਰੇਡੀਓ ਕਿਵੇਂ ਸੁਣਨਾ ਹੈ' 'ਤੇ ਜਾਓ।
ਸ਼ੇਅਰ ਕਰੋ
ਗੱਲਬਾਤ ਵਿੱਚ ਸ਼ਾਮਿਲ ਹੋਵੋ!
ਅਚਾਨਕ ਬਿਜਲੀ ਬੰਦ ਹੋਣ ਦੀ ਸਥਿਤੀ ਵਿੱਚ ਤਿਆਰ ਰਹਿਣ ਵਿੱਚ ਦੂਜਿਆਂ ਦੀ ਮੱਦਦ ਕਰੋ।
ਇਹਨਾਂ ਹੈਸ਼ਟੈਗਾਂ ਦੀ ਵਰਤੋਂ ਕਰਕੇ ਸੋਸ਼ਲ ਮੀਡੀਆ ‘ਤੇ ਸਾਂਝਾ ਕਰੋ
#PowerOutagePlan
#CheckPlanDo
#KnowWhatToDo
ਸ਼ੇਅਰ ਕਰੋ
ਸਹਿਯੋਗੀ
ਰੌਇਲ ਆਸਟ੍ਰੇਲੀਅਨ ਕਾਲਜ ਆਫ਼ ਜਨਰਲ ਪ੍ਰੈਕਟੀਸ਼ਨਰਜ਼ ਨੇ ਲਾਈਫ਼ ਸਪੋਰਟ ਪਾਵਰ ਆਊਟੇਜ ਯੋਜਨਾ (Life Support Power Outage Plan) ‘ਤੇ ਸਲਾਹ ਅਤੇ ਫੀਡਬੈਕ ਪ੍ਰਦਾਨ ਕੀਤਾ ਹੈ ਤਾਂ ਜੋ ਜਨਰਲ ਪ੍ਰੈਕਟੀਸ਼ਨਰ (GP) ਆਪਣੇ ਮਰੀਜ਼ਾਂ ਨੂੰ ਉਨ੍ਹਾਂ ਦੀਆਂ ਵਿਲੱਖਣ ਸਥਿਤੀਆਂ ਦੀਆਂ ਜ਼ਰੂਰਤਾਂ ਨੂੰ ਪੂਰਾ ਕਰਨ ਵਾਲੀ ਸਿਹਤ ਸੰਭਾਲ ਪ੍ਰਦਾਨ ਕਰਨ ਵਿੱਚ ਮੱਦਦ ਕਰ ਸਕਣ।
ਇਸ ਪਹਿਲਕਦਮੀ ਐਨਰਜੀ ਚਾਰਟਰ ਵੱਲੋਂ ਸਮਰਥਨ ਪ੍ਰਾਪਤ ਹੈ ਅਤੇ ਇਨ੍ਹਾਂ ਨਾਲ ਸਲਾਹ-ਮਸ਼ਵਰਾ ਕਰਕੇ ਮਿਲ ਕੇ ਤਿਆਰ ਕੀਤਾ ਗਿਆ ਹੈ: ਘਰ ਵਿੱਚ ਜੀਵਨ ਸਹਾਇਤਾ ਉਪਕਰਨ ਵਾਲੇ ਲਾਈਵਡ ਐਕਸਪੀਰੀਅੰਸ ਪੈਨਲ; ਸਾਡੇ ਕਮਿਊਨਿਟੀ ਨਤੀਜੇ ਗਰੁੱਪ (ਜੋ ਸਿਹਤ ਅਤੇ ਗਾਹਕ ਨੁਮਾਇੰਦਿਆਂ ਦਾ ਬਣਿਆ ਹੋਇਆ ਹੈ); ਅਤੇ #BetterTogether ਲਾਈਫ਼ ਸਪੋਰਟ ਗਾਹਕ ਪਹਿਲਕਦਮੀ ਦੁਆਰਾ ਊਰਜਾ ਕੰਪਨੀਆਂ ਦਾ। ਇੱਥੇਸ਼ਾਮਲ ਸੰਸਥਾਵਾਂ ਦੀ ਸੂਚੀ ਵੇਖੋ।
The Energy Charter ਭਾਈਚਾਰੇ ਅਤੇ ਉਪਭੋਗਤਾ ਨੁਮਾਇੰਦਿਆਂ ਨੂੰ ਊਰਜਾ ਕੰਪਨੀਆਂ ਦੇ ਨਾਲ ਜੋੜਦਾ ਹੈ ਤਾਂ ਜੋ ਲੋਕਾਂ ਨੂੰ ਊਰਜਾ ਪ੍ਰਣਾਲੀ ਦੇ ਕੇਂਦਰ ਵਿੱਚ ਰੱਖਿਆ ਜਾ ਸਕੇ।
ਕਮਿਊਨਿਟੀ ਨਤੀਜੇ ਗਰੁੱਪ ਦਾ ਧੰਨਵਾਦ, ਜਿਸ ਵਿੱਚ ਸ਼ਾਮਲ ਹਨ: ਆਸਟ੍ਰੇਲੀਆ ਦੀ ਖ਼ਪਤਕਾਰ ਸਿਹਤ ਫੋਰਮ; ਐਨਰਜੀ ਐਂਡ ਵਾਟਰ ਓਮਬਡਸਮੈਨ ਕੁਈਨਜ਼ਲੈਂਡ; ਜਸਟਿਸ ਅਤੇ ਇਕੁਇਟੀ ਸੈਂਟਰ; ਲਾਈਫ਼ ਸਪੋਰਟ ਮੈਡੀਕਲ ਐਡਵਾਇਜ਼ਰੀ ਗਰੁੱਪ (ਜਿਸ ਦੀ ਨੁਮਾਇੰਦਗੀ ਆਸਟ੍ਰੇਲੀਅਨ ਮੈਡੀਕਲ ਐਸੋਸੀਏਸ਼ਨ ਕਰ ਰਹੀ ਹੈ); ਅਤੇ WA ਦਾ ਬਿਜਲੀ ਵਿਭਾਗ, ਬਿਜਲੀ ਵਿਭਾਗ, ਵਾਤਾਵਰਣ।
ਊਰਜਾ ਉਦਯੋਗ ਸਹਿਯੋਗੀਆਂ ਦਾ ਵੀ ਧੰਨਵਾਦ, ਜਿਸ ਦੀ ਅਗਵਾਈ Essential Energy ਅਤੇ SA Power Networks ਵੱਲੋਂ ਕੀਤੀ ਗਈ, ਅਤੇ ਜਿਸ ਵਿੱਚ ActewAGL, Australian Gas and Infrastructure Group, AusNet Services, Aurora Energy, Endeavour Energy, Energy Queensland (ਜਿਸ ਵਿੱਚ Energex, Ergon Energy Network, Ergon Energy Retail + Yurika ਸ਼ਾਮਲ ਹਨ) ਅਤੇ TasNetworks ਵੀ ਸ਼ਾਮਲ ਹਨ।